Jahongir Zaynalov

Vikipediyada ismi Jahongir va familiyasi Zaynalov boʻlgan boshqa kishilar haqida ham maqolalar mavjud.

Jahongir Rasulovich Zaynalov
Tavalludi	1950-yil 30-aprel (1950-04-30) (76 yosh) Samarqand, Samarqand viloyati, Oʻzbekiston SSR
Fuqaroligi	Oʻzbekiston
Kasbi	iqtisodchi
Sohasi	iqtisodiyot
Taʼlimi	Samarqand kooperativ instituti
Ilmiy darajasi	iqtisodiyot fanlari doktori
Ilmiy unvoni	professor
Mukofotlari

Jahongir Rasulovich Zaynalov (1950-yil 30-aprel, Samarqand shahri, Samarqand viloyati, Oʻzbekiston SSR) — oʻzbekistonlik iqtisodchi olim, iqtisodiyot fanlari doktori (1992), professor (1994).

Jahongir Zaynalov 1950-yil 30-aprelda Samarqand shahrida tuʻgilgan. 1967—1971-yillarda Samarqand kooperativ instituti iqtisod fakultetida tahsil olgan. 1971—1972-yillarda Buxoro kooperativ texnikumi o‘qituvchisi, 1972—1973-yillarda harbiy xizmatda, 1973—1976-yillarda O‘zbekiston SSR Qishloq xo‘jaligi vazirligi Samarqand viloyati paxtachilik sovxozlari tresti katta iqtisodchisi, 1975—1976-yillarda viloyat qorako‘lchilik tresti katta iqtisodchisi, 1976—1979-yillarda Samarqand kooperativ instituti „Savdo va iqtisod“ kafedrasi assistenti, 1979-yilda „Moliya va kredit“ kafedrasi assistenti, 1982—1987-yillarda Samarqand kooperativ instituti „Moliya va kredit“ kafedrasi mudiri, 1987—1989-yillarda „Moliya va statistika“ kafedrasi dotsenti, bir vaqtning o‘zida „Hisob va iqtisod“ fakulteti dekani, 1992—1993-yillarda Samarqand kooperativ instituti „Tahlil va moliya“ kafedrasi dotsenti, 1993—1997-yillarda „Moliya va kredit“ kafedrasining mudiri, bir vaqtning o‘zida 1994-yildan „Soliq va soliqqa solish“ markazi rahbari, 1997—2004-yillarda „Moliya va kredit“ kafedrasi mudiri, sonʻgra „Moliya va kredit“ fakulteti dekani, 2004-yilda Samarqand iqtisodiyot va servis instituti „Moliya va sug‘urta xizmatlari“ kafedrasi mudiri va „Bank-moliya xizmatlari“ fakulteti dekani, 2004—2013-yillarda „Moliya va sug‘urta xizmatlari“ kafedrasi mudiri, 2013—2016-yillarda magistratura bo‘limi boshlig‘i, 2016—2020-yillarda „Moliya va sug‘urta xizmatlari“ kafedrasi mudiri vazifasida faoliyat olib borgan. 2020-yildan „Moliya“ kafedrasi mudiri.

• „Oliy ta’lim a’lochisi“ koʻkrak nishoni (1999);
• „O‘zbekiston Respublikasi Oliy va o‘rta maxsus ta’lim fidoiysi“ koʻkrak nishoni (2000);
• „Oʻzbekiston Respublikasi mustaqilligiga 15 yil“ esdalik nishoni (2006);
• „Oʻzbekiston Respublikasi mustaqilligiga 20 yil“ esdalik nishoni (2011);
• „Oʻzbekiston Konstitutsiyasiga 25 yil“ esdalik nishoni (2017).