Ermanov Farhod Oʻrozboyevich (1958-yil 30-aprel, Amudaryo tumani, Qoraqalpogʻiston ASSR, Oʻzbekiston SSR, SSSR) — oʻzbek siyosatchisi, senator. 2022-yildan Qoraqalpog‘iston Respublikasi Vazirlar Kengashi raisi, 2018-yil 21-apreldan 2022-yil 17-dekabrgacha Xorazm viloyati hokimi.
| Farhod Ermanov | |
|---|---|
 | |
| Mansab davri 2022-yildan | |
| Hukumat boshligʻi | Abdulla Aripov |
| Prezident | Shavkat Mirziyoyev |
| Oʻtmishdoshi | Qahramon Sariyev |
| |
| Mansab davri 2018-yildan – 2022-yilgacha | |
| Hukumat boshligʻi | Abdulla Aripov |
| Prezident | Shavkat Mirziyoyev |
| Oʻtmishdoshi | Ilgizar Sobirov |
| Vorisi | Joʻrabek Rahimov |
| Shaxsiy maʼlumotlari | |
| Tavalludi | 30-aprel 1958-yil Qoraqalpogʻiston |
| Mukofotlari |   |
Biografiyasi
Farhod Ermanov 1958-yil 30-aprelda Qoraqalpogʻiston ASSRning Amudaryo tumanida tugʻilgan.
Maʼlumoti oliy. 1981-yilda Toshkent irrigatsiya va qishloq xoʻjaligini mexanizatsiyalash muhandislari institutini muhandis-mexanik mutaxassisligi boʻyicha, 1996-yilda Toshkent davlat iqtisodiyot universitetini iqtisodchi mutaxassisligi boʻyicha tamomlagan.
1975—1976-yillarda Amudaryo tumani Mangʻit shahar profilaktika va dezinfeksiya boʻlimi xodimi.
1981—1995-yillarda avtomexanik, bosh muhandis, Amudaryo tumani „Mangʻit“ xoʻjaligi direktori, 1995—1998-yillarda Amudaryo tumani hokimi, 1998—2002-yillarda Amudaryo viloyati „Mangʻit“ fermer xoʻjaligi raisi.
2002—2004-yillarda Amudaryo tumani hokimining qishloq va suv xoʻjaligi masalalari boʻyicha birinchi oʻrinbosari — qishloq va suv xoʻjaligi boshqarmasi boshligʻi vazifalarida ishlagan.
2004—2007-yillarda Qoraqalpogʻiston Respublikasi qishloq va suv xoʻjaligi vaziri, 2007-yilda qisqa muddat Toʻrtkoʻl tumani hokimi bo'lib ishladi.
2007—2010-yillarda qayta Qoraqalpogʻiston Respublikasi qishloq va suv xoʻjaligi vaziri.
2010—2018-yillarda Beruniy tumani hokimi.
2018-yil 21-apreldan 2022-yil 17-dekabrgacha Xorazm viloyati hokimi.
2022-yil 17-dekabrda Qoraqalpog‘iston Respublikasi Vazirlar Kengashi raisi etib tayinlandi.
Farhod Ermanov ShHTga aʼzo davlatlar hududlari rahbarlarining forumi doirasida turizmga doir bir qator tashabbuslarni ilgari surgan.
- SHHTga aʼzo mamlakatlar hududlarining sayyohlik salohiyati namoyish qilish hamda sayyohlik yoʻnalishlari boʻylab oʻzaro axborot va matbuot turlarini tashkil etish;
- Tashkilot hududida mavjud turistik salohiyatni targʻib qilish, turizm sohasidagi qoʻshma investitsiya loyihalarini amalga oshirish;
- Xorazmda SHHT mamlakatlari mehmonxona tarmogʻi filialini ochish kabilar shular jumlasidan.
Mukofotlari
Farhod Ermanov "Taʼlim homiysi" koʻkrak nishoni bilan taqdirlangan