Chori Avaz

Chori Avaz
Tavalludi	11-dekabr 1957-yil Gʻuzor
Vafoti	29-noyabr 1991-yil(1991-11-29) (33 yoshda)
Kasbi	shoir tarjimon muharrir
Ijod qilgan tillari	Oʻzbekcha
Fuqaroligi	Oʻzbek SSR Oʻzbekiston

Chori Avaz (1957-yil 11-dekabr; Gʻuzor, Oʻzbekiston SSR – 1992-yil 29-sentyabr, Toshkent, Oʻzbekiston) – shoir, tarjimon va muharrir. Tarjimon oʻlaroq Fin eposi „Kalevala“ dostonini hamda Ryunokse Akutagava kabi shoirlarning sheʼrlarini oʻzbek tiliga tarjima qilgan.

Chori Avaz 1957-yil 11-dekabr kuni Qashqadaryo viloyatiga qarashli Gʻuzor tumanida tugʻilgan. U 1985-yil Oʻzbekiston milliy universitetining filologiya fakultetini tamomlagan. Yulduzcha, Choʻlpon nashriyotlarida muharrir, Nasaf nashriyotida bosh muharrir boʻlib ishlagan.

Chori Avazning tiriklik chogʻida „Baxtiyorlik shu emasmi?“ nomli esselar kitobi, shuningdek, „Tortilgan kamon“, „Uygʻonishdan oʻzga tole izlama“, „Kuz ertasi“ (1992) kabi asarlari nashr etilgan. Vafotidan keyin "Saylanma", "Yashil soʻqmoq" nomli kitoblari chop etilgan. She'rlari ingliz, arab, turk tillariga tarjima qilingan.

Chori Avaz tarjimon sifatida polyak yozuvchisi Minkovskiyning „Baqaloq“ qissasini, yapon adiblari Ryunoske Akatugavaning „Qorongʻilikdagi suhbat“, „Pigmey soʻzlari“ asarlarini va Isikava Takubokuning „Tankalar“ asarlarini, shuningdek, fin xalq eposi hisoblangan „Kalevala“ dostoni, Kotib Yosinning „Grif“ asarlarini oʻzbek tiliga oʻgirgan.

Chori Avazning rafiqasi Zebo Omonova tashabbusi bilan shoirning sheʼrlari turli tillarga tarjima qilingan. Xususan, 2022-yil ingliz tiliga tarjima qilingan asarlari taqdimoti Misrda boʻlib oʻtgan. 2023-yil Anqaraning Yildirim Boyazid universiteti bilan hamkorlikda shoirning turk tiliga tarjima qilingan „Aydınlık hayaller“ kitobi nashrdan chiqqan va taqdimoti boʻlib oʻtgan. 2024-yil aprel oyida esa Ozarbayjon poytaxti Bakuda ham bir guruh taniqli ozar adabiyotshunoslari ishtirokida ozar tilidagi she'rlari taqdimoti boʻlib oʻtgan.

• Chori-Avazov shoir byusti